sut mae’n gweithio

Pan fyddwch chi’n dychmygu bod yn rhiant maeth, mae’n debyg eich bod chi’n meddwl am yr ymdeimlad o deulu a ddaw yn ei sgil. Y chwerthin a’r cwlwm agos rhyngoch chi a’r aelod newydd o’ch teulu, y cysylltiad y byddwch chi’n ei ddatblygu.

Mae maethu ym Mhen-y-bont ar Ogwr yn seiliedig ar rwydwaith gweithgar o arbenigwyr maeth lleol, sy’n cynnig arweiniad pryd bynnag y bydd ei angen arnoch. Felly, yn ogystal â’r cwlwm clòs hwnnw, bydd gennych chi gylch llawer ehangach o gysylltiadau, a’r holl gymorth y gallai fod ei angen arnoch chi.

gwell gyda’n gilydd

Mae ein tîm ym Maethu Cymru Pen-y-bont ar Ogwr yn gweithio’n agos gyda phob rhiant maeth a phlentyn, gan eu cefnogi drwy gydol eu taith ar bob cam.

Rydyn ni wedi’n harfogi’n llawn i gynnig lefel ddigyfaddawd o gefnogaeth gan ein bod yn rhan o ymdrech gydweithredol Maethu Cymru. Wedi’r cwbl, ni yw’r rhwydwaith cenedlaethol o 22 gwasanaeth maethu Awdurdodau Lleol yng Nghymru.

Gyda gweithwyr cymdeithasol, therapyddion a gweithwyr proffesiynol profiadol wrth law bob dydd, rydyn ni’n cydweithio i wella dyfodol pob plentyn yn ein gofal.

Mae ein statws nid-er-elw hefyd yn golygu y gallwn ganolbwyntio popeth yn ôl ar galon y gymuned – mae’r holl gyllid a gawn yn mynd tuag at wella’r gwasanaeth rydyn ni’n ei ddarparu ymhellach, ac mae hynny’n union fel y dylai fod.

beth sy'n ein gwneud ni'n wahanol?

Dydyn ni ddim yn asiantaeth faethu gyffredin. Rydyn ni’n rhan o rwydwaith cenedlaethol o wasanaethau maethu Awdurdodau Lleol Cymru, gyda phob un yn cynnig gwasanaeth unigryw ar draws ein cymunedau.

Bydd ein tîm ym Mhen-y-bont ar Ogwr yn cysylltu â chi o fewn un diwrnod gwaith ar ôl i chi wneud ymholiad, a’r nod yw ymweld â chi am y tro cyntaf a chwblhau’r broses sgrinio cyn-asesu o fewn 5 diwrnod gwaith, gan wneud y broses gyfan yn gyflym ac yn hawdd.

Mwy o wybodaeth am Maethu Cymru Pen-y-Bont ar Ogwr:

mwy o wybodaeth am maethu cymru pen-y-bont:

cysylltwch

Enw cyntaf*
Cyfenw*
Rhif ffôn*
Cyfeiriad e-bost*
Eich dewis iaith
Dewiswch
Eich neges*
CAPTCHA
Cyngor Pen-y bont ar Ogwr yw'r rheolwr data ar gyfer yr wybodaeth bersonol rydych chi'n ei darparu ar y ffurflen hon. Bydd eich gwybodaeth yn cael ei defnyddio wrth i ni arfer ein hawdurdod swyddogol ac ni chaiff ei defnyddio at unrhyw ddibenion eraill. Ni fyddwn yn rhannu'ch data ag unrhyw drydydd parti oni bai fod y gyfraith yn gofyn neu'n caniatáu i ni wneud hynny. Mae cyfraith diogelu data'n disgrifio'r sail gyfreithiol ar gyfer prosesu eich data yn ôl yr angen er mwyn cyflawni tasg gyhoeddus. Am fwy o wybodaeth am sut mae Cyngor Pen-y bont ar Ogwr yn defnyddio'ch data personol, gan gynnwys eich hawliau fel testun data, gweler ein hysbysiad preifatrwydd.
Phone
This field is for validation purposes and should be left unchanged.

sut mae'n gweithio